Datorren ikasturterako STEAM proiektuen ebazpena (ikastetxe publikoak) argitaratu da. 157 proiektu aurkeztu dira aurten, zenbaki harrigarria, STEAM hezkuntzan ze interesa dagoen erakusten duena. Benetan, STEAM proiektuen "filosofia" erakargarria da ikastetxeentzat, honen bidez diziplinarteko proiektuak, gaitasunen eta XXI.mendeko trebetasunen garapena, gizarteko erronkei erantzuna eta abarrekoak baimentzen dituelako. Eta guzti hau, gure arloetan hain zaila den bokazio zientifikoa pizten!
Ikasturtea honetan, STEAM proiektuetan sartu nahi duten ikastetxeen kopurua ikusita, Berritzegunekideok SITES bat eraiki dugu, proiektuen diseinuan laguntzeko asmoz. Baina, nahiz eta STEAMgune toki ofizialean deialdiko ikastetxeen esperientziak aipatuta dauden, oraindik, proiektuen deialdia sortu zenetik, urte batzuk pasa barru, adibide falta botatzen dugu. Beraz, blog honetan eredugarriak izan daitezkeen batzuen erreferentzia egiten saiatuko naiz. Noski, aldez aurretik nik neuk ezagutu behar ditut eta hori bakarrik lortzen da proiektua Sarean baldin badago. Hemendik zuen proiektua Interneten partekatzera animatzen zaituztet.
Lehenengo sarrera honetan Koldo Mitxelena BHI-ri tokatzen zaio txanda. Ikastetxe guztiak bezala, azken urte hontan STEAM proiektuak hasi eta, apurka apurka, doitzen joan dira, aurten, STEAMsare ekimeneko partaideak izan arte. Proiektu desberdin eta oso interesgarri batzuk aurrera eramaten badituzten ere (Sustraiak, Kutxa Magikoa), nik espazioaren ikerketarekin zerikusirik dauden beste batzuetan zentratu nahi dut.
Koldo Mitxelena STEAM proiektuak
1.-Espazioaren astea (Batxilergoan), bideoa. Espazioari buruzko erakusketa batean islatzen diren ikerketak.
2.-Let’s go to Mars eTwinning proiektua (DBH2). ESERO-ren proposamen didaktikoak jarraitzen, Martera heltzen diren astronautentzat, bizi-baldintzak aztertu ondoren, bizilekuen diseinuak eskalan egiten dira Tinkercad programarekin eta 3D Inprimagailuan inprimatzen dira.
3.-KMSAT: 2017an hasi zuten proiektua, Europako Espazio Agentziaren ekimena den CANSAT lehiaketan parte hartzeko helburuarekin (bideoa). Erronka honetan, ikasleek reskagarri lata baten tamainako satelite txiki bat eraiki eta martxan jarri behar dute. Aurten Koldo Mitxelenako Koldosat taldea EAE-ko irabazlea izan da. Eta institutuoa prest dago beste ikastetxe batzuei aholkularitza emateko!!!