Naturgaiako materialek beti izan dute tokia nire blogean bere kalitateagatik. Pasa den urtarrilean berri bat aurkeztu da: Zergatik hondoratzen dira gorputzak?
Baliabidea DBHrako prestatuta dago, batez ere eduki komunetan lantzeko aproposa eta 2.mailako kimikako edukian ere bai.
Materiaren zenbait propietate orokor aztertuko dira bertan: masa, bolumena eta horien arteko erlazioa, dentsitatea, e.a. Edukiak lantzeko ikerketa zientifiko bat planteatuko da; horrela, problema errealak aztertu eta hipotesiak planteatu eta ebatziz, zalantzak ulertu eta argitzeko bidea emango zaio ikasleari.
