Pasa diren Gabonetan Prest Gara ikastaro bati bukaera eman nion. Prestakuntzaren azken ekoizpena arazo egoera bat burutzean zetzan eta, matematikari buruzko ikas-unitatea bat egiteko gogoa neukala aprobetxatzen, sekuentzia oso bat garatu nuen, DBHko 1.mailako 2 "Aljebra" gaia lantzeko:
Aljebra, matematikaren hizkuntza sekretua
Oso zaila egiten zait arazo egoera ikas-unitate oso batekin parekatzea. Beraz, aukera dudan testuingurua, azken bolada honetan Whatsapp-en bidez bidaltzen diren enigma matematikoak izan dira. Ugari eta mota guztietakoak daudenez, erronka didaktikoa ikas-sekuentzian zehar tartekatzen da, hau da, ildo teorikoak aldez aurretik landuta, jarduera batzuetan berreskuratzen da. Proposatzen den ekoizpena, jarduera hauetatik ateratzen dituzten emaitzak edo ondorioak, txarteletan idaztea eta "Horma matematikoa" islatzea bururatu zait.
Ikas-jarduera guztiak talde kooperatiboetan lantzeko prestatuta daude. Dinamika desberdinak erabiltzen dira, folio birakaria, 1-2-4, problemak komunean ebazteko teknikak, bikoteren arteko ariketak, jolasak...
Bideoetan dauden irakasle batzuen azalpenak ere aprobetxatu ditut, ikasleen autonomia baimentzeko asmoz, baina beti irakaslearen azkatasuna kontutan harturik. Irakasleak komeni zaizkion ikas-jarduerak aukeratuko edo gehiago sortuko ditu.
Ikas-unitatearen edukin guztiak birpasatzeko, ghinkana bat proposatzen dut, azken azterketa bezala ere baliogarria: