Elhuyarren web-orrian berri ona dugu: Zientziapp garatu duela, zientzia edukiak euskaraz eskaintzen dituen doako aplikazioa. Aplikazioak zientzia eta teknologiari buruzko azken albisteak, berriak, audioak, bideoak eta agenda eskaintzen ditu, eta doan eskura daiteke Google Play Store eta App Store denda birtualetan.
Eduki guztiak Elhuyar Zientzia erredakzioan aukeratu eta landuko dira, eta zientzia.eus webgunean ere argitaratuko dira. Horrez gain, zientzia eta teknologiaren inguruko ekitaldien berri ere emango du, Agendaren bitartez.